Íslendski uttanríkisráðharrin, Øssur Skarphéðinsson, hevur biðið um at fáa ein fund við amerikanska starvsbróður sín, Hillary Clinton. Sambært Morgunblaðnum ætlar íslendska stjórnin at fáa amerikanskan stuðul í ósemjuni við bretar og niðurlendingar um Icesave-skuldina og um viðurskiftini við Altjóða Gjaldoyragrunnin IMF.
Nýliga finfu íslendskir fjølmiðlar fatur á einum loyniligum skjali, sum vísti, at amerikanarar ætla sær at styðja íslendingar í Icesave-ósemjuni við Bretland og Niðurlond.
