Ísraelsku politikararnir fylgja væl við tí, sum hendir í Egyptalandi, sum er tað einasta arabiska landið, sum Ísrael hevur friðarsáttmála við. Í gjárkvøldið tosaði ísraelski forsætisráðharrin, Benjamin Netanyahu, í telefon við amerikanska forsetan, Barack Obama, og Hillary Clinton, uttanríkisráðharra.
Aftan á samrøðurnar segði Netanyahu, at Ísrael fylgir gjølla við tí, sum hendir í Egyptalandi. Hann vísti á, at londini hava havt friðarsáttmála í meiri enn 30 ár, og Ísrael vil varðveita hesa støðuna, segði hann.
Tey størstu bløðini í Ísrael skrivaðu í gjár um vandan fyri, at víðgongdir islamistar kunnu fáa ræðið í Egyptalandi og skapa eitt ?nýtt Miðeystur?.
