MiÐeystur
Árni Joensen:
Fyritøkur, sum útvega ísraelskum sjónvarpshyggjarum sendingar ígjøgnum fylgisvein ella kaðal, eru í ferð við at taka amerikansku sjónvarpsstøðina CNN av skránni. Ístaðin skulu hyggjararnir fáa tíðindi frá onkrari aðrari sjónvarpsstøð.
Orsøkin til hetta er, at ísraelska stjórnin er sera misnøgd við CNN og tíðindaflutningin um tað, sum hendir í Miðeystri. Stjórnin vil vera við, at CNN hevur antiísraelskar áskoðanir, og at støðin harafturat eggjar palestinum til at fremja yvirgang.
Hetta er ikki nakað nýtt fyribrigdi, men tað, sum fekk bikarið hjá ísraelsku stjórnini at flóta yvir, var tað, sum CNN-stovnarin, Ted Turner, segði við bretska blaðið The Guardian í síðstu viku. Í samrøðuni segði Ted Turner, at tann yvirgangurin, sum ísraelsmenn fremja ímóti palestinska fólkinum er einki mætari enn tær palestinsku sjálvmorðsbumbuatsóklnirnar ímóti ísraelsmonnum.
Orðini fingu rættiliga øði í ísraelska kunningarmálaráðharran, Reuven Rivlin. Við blaðið Haaretz segði hann, at stjórnin umhugsar, hvat hon skal gera við CNN-tíðindamenninar, sum eru í Ísrael.
