-Ongar ítøkiligar ætlanir eru um at selja almenna ognarlutin í Bank Nordik.
Tað svaraði landsstýriskvinnan við fíggjarmálum, Kristina Háfoss, tá ið Hanna Jensen, Framsókn, spurdi, um ítøkiligar eru um at selja partinhjá almennu Føroyum í Bank Nordik.
Landsstýriskvinnan segði, at hon sjálvandi ikki fær sagt so nógv um viðurskiftini, tí talan er um eina fyritøku, sum er skrásett á keypsskálanum.
-Men ongar ítøkiligar ætlanir eru um at selja almenna partin, segði hon.
Magni Laksáfoss, Sambandsflokkurin, segði, at tað sjálvandi hevur áhuga at vita, hvønn politikk samgongan hevur til almennar ognarlutir í fyritøkum.
Hanna Jensen helt, at tað er munur á um tað almenna eigur meirlutan ella tildømis 25 prosent í einari fyritøku.
-Hava almennu Føroyar meirlutan, so ber til at reka politikk, men hvat er endamálið, tá ið talan er um ein minnilutapart, spurdi hon.
