Tíðliga í morgun siga fleiri russar á sosialum miðlum, at teir hoyra spreingingar við russiska havnarbýin, Novorossijsk.
Reuters er millum tíðindastovurnar, sum eisini bera hesi tíðindi.
Sambært russisku tíðindastovuni Ria vátta myndugleikarnir í býnum, at talan er um spreingingar.
Russiska verjumálaráðið sigur í dagføring, at ukrainski herurin hevur lopið á hernaðarstøðina í Novorossijsk við tveimum sjódronum.
Tað váttar russiska tíðindastovan Tass í morgun.
Russiska verjumálaráðið sigur, at dronurnar eru oyðilagdar, og lagt verður aftrat, at russiska verjan haraftrat hevur skotið niður 13 ukrainskar dronur yvir Krim-hálvoynni.
##med2##
Videobrot á sosialum miðlum í morgun vísa skip og virksemi út fyri strondini í býnum, Novorossijsk.
Á nøkrum av brotunum síggjast bjørt ljós og roykur stíga upp úr havinum.
Sagt verður, at Novorossijsk telist millum størstu havnarbýir kring Svartahavið, og sambært Wikipedia búgva 273.278 fólk í býnum.
##med3##
