Tað hava verið spreingingar í einum øki sunnanfyri høvuðsstaðin í Sýria, Damaskus.
Syrian Observatory for Human Rights (SOHR) heldur, at talan er um ísraelsk álop.
Sambært SOHR er tað í hesum øki, at fyrrverandi einaræðisharri landsins, Bashar Al-Assad, hevði fleiri av sínum vápnagoymslum.
Sagt verður frá hørðum spreingingum í økinum, og eitt tíðindafólk hjá AFP sigur, at onkur bygningur er lagdur í oyði.
Ísraelski herurin sigur seg ikki standa aftanfyri álopini.
Ísrael hevur annars dúgliga lopið á fleiri hernaðarskipanir og vápnagoymslur í Sýria, síðan Assad-stjórnin fall í desember í fjør.
- Sambært Ísrael hevur endamálið við álopunum verið at fyribyrgja, at vápn og útgerð í Sýria enda á fíggindaligum hondum.
Hetta veit tíðindastovan NTB at siga í dag.
