SportBoxin er nýggja heitið á ítróttarsendingini hjá Rás2. Heitið hevur ein altjóða dám, og tað kemur sendingin eisini at hava. Í dag er millum annað Effo-deildin, søguliga U17-landsliðið, Hondbóltur, Jóan Símun Edmundsson og Christian L. Holst á skránni.
Hoyr Rás2 á netinum við at trýsta HER
Í fyrra tímanum verður tosað við Áka Johansen, sum er U17 landsliðiðvenjari í fótbólti. Landsliðið megnaði sum tað fyrsta nakrantíð at vinna seg víðari úr innleiðandi umfarinum. Jóan Símun Edmundsson hevur skorað fleiri mál í seinastuni í superliguni. SportBoxin hevur ringt til hann.
SportBoxin á Rás2 fríggjadagar frá klokkan 10 til 12
SportBoxin hevur eisini verið í Kollafirði, har Teitur Joensen bjóðaði inn til gott hondbóltsprát. Christian L. Holst, fyrrverandi fótbóltslandsliðsspælaril, kemur eisini á vitjan. Hann er í dag lærari á ítróttareftirskúla í Valby og kemur at fortelja um skúla og møguleikarnar har.
SportBoxin: Atli Gregersen var gestur í fyrstu sendingini
Effo-deildin byrjar sunnudagin og tí verður nógv gjørt burturúr fyrsta umfarinum í Fótbóltspanelinum, sum verður í seinna tímanum frá 11 til 12. Gestir í SportBoxini er Leivur Frederiksen, ítróttarredaktørur í Kringvarpinum, og Jákup Ósá, ítróttarskrivari á Norðlýsinum.
Fylg SportBoxini á Facebook við at trýsta HER
Í partinum “Úr Savninum” verður leitað aftur til Ólavsøku í 2009, tá eitt ávíst fótbóltsfelag vann sítt fyrsta steyp. SportBoxin verður send beinleiðis á Rás2 í dag frá klokkan 10.
