Forrættur til 6 fólk
Tilfar:
Dressingur:
8 tsk. rabarbuchutney*
8 spsk. hvíti (ymer)
Fylla:
1 súrepli
200 gr. av kókaðum/bakaðum laksi
Pannukøkur:
160 gr. av tinaðum spinati
100 gr. av mjøli
2 dl. av mjólk
2 egg
Smør
Dressingur:
Blanda *rabarbuchutney og hvíta saman til ein dressing.
Fylla:
Flys súrepli og sker smátt. Koyr súrepli á eina pannu og hita. Koyr kókaða/bakaða laksin á pannuna saman við súreplunum, soleiðis at øll fyllan er heit.
Pannukøkur:
Blanda tinaða spinatið, mjøl, mjólk og egg saman, og píska tað til deiggj. Baka seks pannukøkur. Pannukøkurnar skulu bert bakast á einu síðuni, neyðugt er at koyra eitt sindur av smøri á pannuna áðrenn hvørja pannukøku.
Servering:
Smyr eitt lag av dressinginum á hvørja pannukøku, og koyr súrepli og laks á pannukøkurnar, og rulla tær saman. Tað egnar seg væl at servera pannukøkurnar saman við restini av dressinginum, grønum salati og tomat.
*Rabarbuchutney:
Tilfar:
90 gr. av rabarbum
20 gr. av leyki
1 tsk. av smøri
60 gr. av sukri
1 stong kanel
1 spsk. av vatni
¼ - ½ tsk. sambal oelek
Sker rabarburnar í flísar. Flys leykin og hakka hann grovt. Brúnka rabarburnar og leykin í smørinum í eini grýtu. Tilset sukur, kanelstongina og vatn. Lat tað kóka í 20-30 minuttir – til tað verður tjúkt. Rør av og á. Smakka til við sambal oelek.
