H71 er víðari í steypakappingini í hondbólti hjá monnum. Hoyvíkingar vunnu í kvøld 32-31 á StÍF í høllini á Skála. Sigurin merkir, at H71 er oddalið í bólkinum og víðari, men kann framvegis missa fyrsta plássið í seinasta umfari.
Tað stóð passaliga nógv á hoyvíkingum, sum vóru aftanfyri so seint sum fýra minuttir fyri dystarenda. StÍF var eisini á odda í hálvleikinum, tá støðan var 15-14.
Toppskjútti hjá H71 var Hilmar Leon Jacobsen við átta málum, meðan Allan Norðberg hjá StÍF bleiv toppskjútti í dystinum við níggju málum.
Dystarskrá og úrslit:
Leygardagin 20.01.18 kl. 18.00 H71 – KÍF 27-25
Sunnudagin 21.01.18 kl. 16.00 VÍF – StÍF 35-31
Sunnudagin 28.01.18 kl 16.00 VÍF – KÍF 34-34
Mikudagin 31.01.18 kl. 20.00 StÍF – H71 31-32
Sunnudagin 04.02.18 kl. 16.00 H71 – VÍF
Sunnudagin 04.02.18 kl. 16.00 KÍF – StÍF
Bólkur 2 – menn
Lið Dystir V.m. T.m. Munur Stig
1 H71 2 59 56 3 4
2 VÍF 2 69 65 4 3
3 KÍF 2 59 61 -2 1
4 StÍF 2 62 67 -5 0
