Eitt amerikanskt hernaðarflogfar valdi eina heldur løgna rutu nærindis russisku herflotastøðini í býnum Tartus í Sýria týsdagin, og nú er myndin av rutuni farin um stóran part av heiminum.
Flogskiparin spældi sær í luftini, soleiðis sum dátur hjá Flightradar24 vísa, og alt bendir á, at hann "teknaði" nakrar linjur á kortið, sum minna um ein murt.
Leiðslan fyri amerikansku loftverjuna í Evropa viðgongur tó ikki, at freka rutan hjá flogskiparanum nærindis russisku herflotastøðini í Sýria var tilætlað.
- Sjálvt um flúgvingin at síggja til hevur skapt nakrar ónærisligar linjur, var tað ikki ætlanin hjá flogskiparanum ella deildini at gera nakað slíkt.
Tað sigur talsmaðurin fyri amerikansku loftverjuna í Evropa, Ryan Gross, við hernaðarligu netsíðuna, Task and Purpose.
Sambært italsku ávísini, La Republica, vórðu ónærisligu linjurnar teknaðar á kortið stutt eftir, at KC135-flogfarið varð farið á flog av Kreta.
