Spanski miðilin, El Chiringuito bar spennandi tíðindi ígjár.
Franski stjørnuáleyparin hjá PSG, Kylian Mbappe og norski stjørnuáleyparin hjá Manchester City, Erling Braut Haaland fara báðir at skifta til Real Madrid, sambært El Chiringuito.
Sáttmálin hjá 24 ára gamla, Kylian Mbappe við PSG gongur út í summar.
23 ára gamli, Erling Braut Haaland er sáttmálabundin fram til summarið í 2027.
Í Ballon D´or gjørdust Haaland og Mbappe nummar tvey og trý aftanfyri Lionel Messi, ið vann Ballon D´or á áttanda sinni.











