Spæla um fremsta plássið klokkan 18.00

Faxe Kondi-kappingin, KVINNUR. Mikudagur 18/01/2020

Klokkan 18.00: Kyndil - Neistin (FM1 sigur frá dystinum)

Bæði Neistin og Kyndil hava longu tryggjað sær pláss í hálvfinaluni í Faxe Kondi-kappingini hjá kvinnum, áðrenn tey bresta saman á Hálsi í kvøld klokkan 18.00

Havnarfeløgini bæði hava frammanundan spælt tríggjar ferðir í landskappingini hetta kappingarárið. Kyndil hevur vunnið tveir av dystunum við ávikavist 21-18 og 30-21, meðan dysturin 12. januar endaði við úrslitinum 19-12 til Neistan.

Neistin og Kyndil eru í bólki við Stjørnuni, og bæði havnarfeløgini vunnu sínar dystir á Stjørnuni.

Eykaliðið hjá Neistanum hevði upprunaliga spælt seg í bólkaspælið, men mátti geva avboð. Tí eru bara trý lið í bólki 1, og hálvfinalistarnir eru longu funnir.

Vinnarin av dagsins dysti, skal spæla ímóti annaðhvørt H71 ella StÍF. Tað verður avgjørt í dystinum ímillum tey bæði liðini sunnudagin.

Tapandi liðið av dystinum ímillum Kyndil og Neistan í kvøld skal spæla ímóti VÍF, sum hevur staðfest fremsta plássið í bólki 2.

Støðan í Faxe Kondi-kappingini hjá kvinnum (hsf.fo)

tvey tey fremstu í hvørjum bólki spæla seg í hálvfinaluna.

Bólkur 1

Bólkur 2