"Spøkilsismálið" frá dystinum millum Neistan og VÍF liggur enn og spøkir aftanfyri, og tí torir Ingi Olsen, høvuðsvenjari hjá VÍF ikki at fegnast um nakað FM-finalupláss, hóast VÍF er ógvuliga nær einum FM-finaluplássi aftaná greiða 29-18 sigurin ímóti KÍF í Kollafirði í kvøld. Kollfirðingar vóru á odda 12-8 í steðginum, og vóru eitt skiftið enntá á odda 12-6, men hesum megnaðu Ingi Olsen og hansara menn at venda við einum rimmar avriki í seinna hálvleiki.
- Spøkilsismálið ger, at vit ikki eru 100 prosent tryggir, slær Ingi Olsen fast.
Tá støðan var 12-6 til KÍF tók Ingi Olsen eitt týðandi Time Out. Frá tí løtuni fekk VÍF 13 av 14 teimum næstu málunum í dystinum, og var tá á odda 19-13 og á sigurskós. Tað fegnast Ingi Olsen um, men hann viðurkennir, at skaðin hjá Rógva Weyhe darvaði kollfirðingar rættiliga nógv, og tá gjørdist setningurin lættari hjá vestmenningum at greiða.
TRÝST á PÍLIN undir MYNDINI, og hoyr samrøðuna Tróndur Arge hevði beinleiðis á Rás2 við Inga Olsen.
