Barnaróður dreingir: Tvær tær fyrstu ferðirnar - á Norðoyastevnu og aftur á Sundalagsstevnu - var Spógvin hjá Kappróðrarfelagnum NSÍ fremstur í hesi kappingini. Á Jóansøku eydnaðist tað dreingjunum á Firvaldi av Tvøroyri at vinna í heimasjógvi.
Í dag var spurningurin, um tað fór at eydnast Firvaldi at halda tørn um oddasessin, ella um Spógvin fór at taka oddasessin aftur.
Tað vóru dreingirnir á gula bátinum av Skálafjørðinum, sum vunnu. Kappingin var millum hesar báðar bátarnar, og tá ið teir fóru um málið var Spógvin eina hálva bátslongd frammanfyri Firvald. Tríggir teir næstu komu á mál í nett somu røð, sum teir gjørdu á Jóansøku: Junkarin úr Kvívík, Fípan Fagra úr Klaksvík og Tambar hjá Róðrarfelagnum Knørri í Havn.
Firvaldur luttók ikki í fyrsta róðrinum, sum var á Norðoyastevnu. Tí er Spógvin so klárt nummar eitt í samlaðu støðuni, sum tað sæst í uppgerðini niðanfyri.
1 Spógvin 02:36.11
2 Firvaldur 02:37.23
3 Junkarin 02:39.23
4 Fípan Fagra 02:41.09
5 Tambar 02:43.13
6 Frúgvin 02:45.00
7 Silja 02:54.00
8 Havfrúgvin 03:04.18
Støðan
1 Spógvin 27
2 Fípan Fagra 20
3 Firvaldur 19
4 Tambar 15
5 Frúgvin 12
6 Havfrúgvin 6
7 Junkarin 5
8 Teistin 4
9 Silja 1
