Sosialurin.fo

Soukurnar í Gamla býnum, Damaskus

Gamli býarparturin í Damaskus er uppbygdur sum aðrir gamlir muslimskir býir við stóru høvuðsmoskuni í miðjuni og út frá henni handilsgøturnar, tær sonevndu “soukurnar”. Handlarnir eru skipaðir alt eftir, hvussu fínar vørur, teir selja. Innast við moskuni eru teir, ið selja eitt nú gimsteinar, parfumur og heilivág. Síðani koma kryddaríir, kaffi, te, nøtur, frukt, klæðir (silkiklæðir nærri moskuni enn eitt nú ull) o.a. Uttast liggja tær vørur, ið dálka mest, so sum skósmiðjur, leðurhandlar og jarnsmiðjur.

Orð og myndir: Nina A. Arge

At ganga í hesum handilsgøtum er sum at vera í skattkamarinum hjá Ali Baba. Bommpappír, smúkkur, vakrar eskjur og kryddaríir glitra hvørt um annað. Mongu litirnir, luktirnir og ljóðini gera ein nærum í ørviti.
Í Ramadantíðini vóru løtur seinnapartin, meðan fólk vóru heima og ótu, har friður var at taka myndir av hesi ævintýrkendu pallmynd.

Mest lisið

Norrøna fekk kúlubøku á kúlustevnið

Ferðsluóhapp í Eysturoyartunlinum – sum tí er stongdur

Fólkaflokkurin: Kortanei til stuðul til LGBT+

Støkk inn á gólvið til læknan

Bygd við 45 íbúgvum eigur tríggjar landsliðsleikarar