Sosialdemokratarnir taka seg fram, og Vinstri fer aftur. Tað er úrslitið í einari meiningakanning, sum Politiken almannakunnger í dag.
Kanningin gevur Sosialdemokratunum 23,1 prosent av atkvøðunum. Tað er 4,2 prosentstig meiri enn fyri einum mánað síðani, men framvegis 1,7 prosentstig minni enn á valinum í 2011.
Vinstri, sum hevur mist nógvar veljarar orsakað av rokinum um formannin, hevði fingið 21,7 prosent, um val var nú. Tað er 2,3 prosentstig minni ern í mai og 5,0 prosentstig minni enn á valinum í september í 2011.
Hóast hesar broytingarnar hevði tann borgarliga andstøðan vunnið, um val var til Fólkatingið nú. Verandi samgonga hevði fingið 82 tinglimir og andstøðan 93.
