Aksel Johannesen er biðin um at stilla upp, nú pápin, Vilhelm Johannesen, gevst í politikki. Javnaðartingmaðurin Vilhelm Johannesen boðaði herfyri frá, at hann stillar ikki upp til næsta løgtingsval.
Nú skrivar Norðlýsið, at Norðoya Javnaðarfelag hevur heitt á son hansara, Aksel Johannesen, um at stilla upp.
Aksel Johannesen váttar fyri Norðlýsinum, at hann hevur fingið áhitanina, men hann hevur ikki tikið støðu enn.
Á seinasta vali fekk Javnaðarflokkurin 741 atkvøður í Norðoyggjum, og av teimum fekk Vilhelm Johannesen tær 220.
