Feðgarnir Løkke Rasmussen umboða nú hvør sín flokk í Danmark. Hóast pápin hevur vent Vinstra bakið, hevur stovnað nýggjan flokk og er valdur í Fólkatingið fyri nýggja flokkin, so tekur sonur hansara, Bergur Løkke Rasmussen, í dag við sum ES tinglimur fyri gamla flokkin hjá pápanum, Vinstra.
Tað ger hann, tí at Søren Gade leggur ES tingsessin frá sær, nú hann aftur er valdur í Fólkatingið.
Hetta váttar tíðindatænastan hjá Vinstra fyri Ritzau.
Eisini onnur fólk, sum sita í ES tinginum, eru vald í Fólkatingið og leggja tí ES tingsessin frá sær. Tað eru Linea Søgaard-Lidell, sum eins og Gade verður partur av fólkatingsbólkinum hjá Vinstra. fyri hana tekur Kim Valentin, sum er annar varamaður, sæti í ES tinginum.
##med2##
Hann var annars fólkatingsmaður til týsdagin, tá hann fall á valinum.
Eisini í Danska Fólkaflokki eru útskiftingar. Har tekur Anders Vistisen við einasta sessinum hjá flokkinum í ES tinginum. Tað ger hann, tí at Peter Kofod, sum var valdur í ES tingið, nú tekur sæti á Fólkatingi, eftir at tað eydnaðist honum at verða valdur týsdagin.
Bergur Løkke Rasmussen er hálvur føroyingur. Mamman Sólrun er dóttir Bergljót av Skarði í Havn og Jákup Petersen í Klaksvík.
/ritzau/
##med3##
