Føroyski U19 landsliðsspælarin, Sonni Ragnar Nattestad, fekk herfyri sínar fyrstu minuttir á besta liðnum hjá FC Midtjylland.
Tað gjørdi hann í venjingardysti í Portugal, har fleiri norðurlendsk feløg brynja seg til landskappingin aftur fer í gongd.
FC Midtjylland spældi móti portugisiska SC Farense og vann 2-0. Sonni Ragnar Nattestad kom á vøllin í seinna hálvleiki.
Sonni Ragnar hevur tvey tey seinastu árini spælt við 07 Vestur. Hann hevur eisini umboðað Føroyar á fleiri U-landsliðum.
Mynd: (Eli Hentze) Sonni Ragnar Nattestad(Aftast í miðjuni við nummar fimm) í dysti fyri føroyskt U-landslið i 2011.
