Fram til 5 december, hava áskoðararnir hjá AC Horsens havt møguleika fyri at atkvøða fyri ársins leikara í felagnum, fyri hesa hálvuna í næstbestu donsku deildini.
Og leikarin, ið áskoðararnir hava valt, er eingin minni enn føroyski landsliðsmiðverjin, Sonni Ragnar Nattestad.
Sonni Ragnar Nattestad endaði fremstur, eftir at hava fingið 23% av øllum atkvøðunum. Nummar tvey á listanum, var Janus Drachmann, ið fekk 17,9% av atkvøðunum.
Talan er sostatt um frálíka viðurkenning til føroyska landsliðsleikarin, ið annars er leigaður til felagið frá FC Midtjylland.
