Í dag er 25. apríl, og tað er flaggdagur. Kring um landið verða fleiri flaggdagshald, røður og tónleikur, og soleiðis verður eisini á Sandi í dag.
Tað er Sands kommuna, sum skipar fyri flaggdagshaldinum, sum byrjar á Mørkini Miklu klokkan 17.
Sólrun Ørvarodd fer at halda røðu, og Sandoyarkórið fer at luttaka við sangi.
- Her verður eisini felagssangur, og eftir felagssangin ganga skótarnir skrúðgongu, siga tey í Sands kommunu.
Tá løtan á Mørkini Miklu er liðug, bjóðar kommunan inn í ovaru hæddina á bókasavninum til kakao og bollar, og børnini fáa sunkist.
- Tað eru okkara trúgvu brúkarar av Tilhaldinum, sum standa fyri hesum partinum av tiltakinum, siga tey í Sands kommunu.
##med2##
