Meðan ukrainski forsetin er meira bjartskygdur um friðarsamráðingarnar við Russland, halda álopini fram í fleiri ukrainskum býum.
Her er yvirlit yvir tíðindini í nátt í Ukraina-stríðnum:
* Hildið verður, at 500 ukrainar eru gíslar á einum sjúkrahúsi.
Russiskar deildir hava eftir øllum at døma tiki umleið 500 fólk sum gíslar á einum sjúkrahúsi í Mariupol undir enn einum álopi á ukrainska havnarbýin.
Tað sigur guvernørurin í Donetsk-landspartinum, har Mariupol er, Pavlo Kyrylenko.
* Zelenskyj er meira bjartskygdur um samráðingarnar við Russland.
Russisku krøvini undir samráðingunum við Ukraina eru farin at ljóða meira veruleikakend. Tað sigur forsetin í Ukraina, Volodymyr Zelenskyj.
* Pólland vil hava friðarvarðveitandi deildir til Ukraina.
Tað eiga skjótast gjørligt at vera sendar altjóða, friðarvarðveitandi deildir til Ukraina.
Soleiðis sigur pólski varaforsætisráðharrin, Jaroslaw Kaczynski, sum í gjár var í Kyiv saman við forsætisráðharranum í Póllandi, Slovenia og Kekkia fyri at vitja ukrainska forsetan, Volodyyr Zelenskyj.
* Spreingingar skakaðu útjaðaran í Kyiv.
Stutt eftir at eitt 35 tíma útgonguforboð kom í gildi í Kyiv um midnáttarleitið lokala tíð, hoyrdust hvøllar spreingingar í vestara útjaðara av høvuðsstaðnum, Kyiv. Umleið klokkan 3 lokala tíð hoyrdu loftávaringarlúrar eisini í vestara stórbýnum Lviv.
* Svenska stjórnin skjýtur upp at seta í gildi kanning av samleika við markið.
Svenska stjórnin væntar nógvar flóttar úr Ukraina og skjýtur tí upp at seta í gildi aftur kanning av samleika við markið til Svøríki. Tað upplýsir svenska ráðharrin fyri samferðslu.
* Roknað verður við, at Joe Biden vera at senda enn meira stuðul til Ukraina.
Roknað verður við, at amerikanski forsetin, Joe Biden, í dag fer at boða frá, at USA fer at senda 800 milliónir dollarar í verjustuðuli til Ukraina. Upphæddin svarar til 5,4 milliardir krónur.
Keldur: AFP, AP, Interfax, Reuters og TT.
/ritzau/
