2. septembur var skipað fyri hátíðarløtu og móttøku í samband við at nýggjast skipið hjá Bakkafrost er komið í flotan. Skipið eitur Róland eftir Rólandi Jacobsen, sum saman við beiggja sínum, Hans, stovnaði Bakkafrost í 1968. Triðji bróðurin, Martin, gjørdist partur av felagnum í 1971.
Føroyska filmsframleiðslufelagið Drone Director gjørdi hesar upptøkurnar av Rólandi hendan dagin.
Róland er 71,99 metrar langur og 16,01 metrar breiður og vigar 2,1 tons. Skipið er bygt í Noregi í 2001.
Les eisini: Róland á kurteisferð
Flotin hjá Bakkafrosti telur nú seks skip og 55 alibátar í ymiskum støddum.
Drone Director við Simon Nordendal hevur gjørt filmin, meðan Dávur Winther hevur tikið myndirnar í myndasavninum niðanfyri.
