Men Tórbjørn Jacobsen, tingmaður og hálvtíðarhavnarfúti (tingfólk kunnu bara hálvt alment starv framíhjá!) er í Cannes í Fraklandi, har hann umboðar Runavíkar Havn á eini ráðstevnu fyri cruiseferðaskip. Tí hevur hann biðið sær farloyvi úr tinginum - og hann upplýsir í sama viðfangi tingformannin um, at Páll á Reynatúgvu og Heidi Petersen eru næst á listanum hjá Tjóðveldinum.
Sambært uppgerðini hjá løgtinginum, so hevur varafólk hjá Tjóðveldinum ikki havt sæti á tingi síðani 19. mars ár. Síðani tá hevur løgtingið havt 64 fundir, so okkurt er um snakkið, at varafólkini hjá Tjóðveldi ikki altíð verða tikin upp á ráð...
