Føroyska landskappingin í kurvabólti er nú í gongd, eftir ein vetrarsteðg. Fyrsti dystur í árinum verður spældur leygardagin í skúlanum við Løgmannabreyt. Dysturin, sum byrjar klokkan 13, er millum havnarliðini Sporðdrekan og Hamar. Hamar vann fyrru grannauppgerðina millum liðini 64-58, eftir tættan og spennandi dyst.
Oddalið í landskappingini er Ravnur av Toftum, sum hevur vunnið allar sínar tríggjar dystir higartil. Í fyrsta dystinum vunnu teir 78-74 á Hamar, eftir ikki færri enn tríggjar ferðir longda leiktíð. Í kurvabólti kann ein dystur ikki enda við javnleiki.
Ravnur vann síðani 61-50 á Sporðdrekanum, áðrenn Hamar aftur lá eftirá í tøttum dysti, ið endaði 70-65. Tað eru eins og í fjør, trý lið í bestu deildini í kurvabólti. Vónin er at fleiri lið fáa fótin fyri seg.
Samlaða støðan er nú:
Lið Dystur Mál munir Stig
Ravnur 3 20 3
Hamar 3 -6 1
Sporðdrekin 2 -17 0
