Ikki tí flest allir flokkar hava nakað av tí fólk vil standa fyri. Føroya Javnaðarflokkur, sum í seinastuni hevur staðið í andgletti, nú fólkatingssetan varð sett, stendur fyri tí mesta ein vanligur borgari vil standa fyri. Eg vil niðan fyri vísa á at best er at velja okkum til hetta valið eisini.
Sjálvandi eru tíðir í floksins søgu, tá betur var ógjørt, men í politikki eru tíðir, tá veljast skal ímillum at sleppa endanum ella halda tørn.
Tá ALS-skipanin av Javnaðarflokkinum sum primusmotor varð sett á stovn, varð hildið rætt, at tað almenna skuldi vera uppií, men í dag er skipanin ein avtala ímillum partarnar á arbeiðsmarknaðinum og hetta gleðast vit um í dag
Tað, sum eg oman fyri helt betur ógjørt í floksins søgu var, tá gjaldið til Samhaldsfasta arbeiðsmarknaðareftirlønargrunnin varð niðursett í eini politiskari semju við teir borgarligu. Nú aftan á kann eg gleðast um, at gjaldið ikki fall heilt burtur, tí ynski frá teimum borgarligu var nevniliga tað, at gjaldið skuldi falla heilt burtur, tað vildi Javnaðarflokkurin sjálvandi ikki.
Í 50unum setti Javnaðarflokkurin fram uppskot um at seta tann danska fólkapensiónsordningin í gongd í Føroyum, men allur Fólkaflokkurin og allir uttan ein sambandsmaður feldu uppskotið. Ja, so royndust álitismenn ? vilja tygum royna einaferð enn?
Gott val!
Vel Javnaðarflokkin!
Jógvan Mørkøre,
valevni Javnaðar-
floksins í Norðstreymi
