Sosialurin.fo

So er tað sagt

Stríðið innan føroysku kirkjuna hevur verið nógv frammi í seinastuni, bæði í miðlunum og millum manna á gøtuhornum, kring døgurðaborðið, í føðingardøgum og aðrastaðni. Eisini eg sjálvur havi tikið tað fram í Sosialinum. Hetta havi eg gjørt, tí kirkjustríðið hevur eitt alment tíðindavirði. Talan er jú um almennu fólkakirkju okkara, og tí eiga fólk at vita, hvat fyriferst innan hana.

Rættuligur orðadráttur júst um hetta mál hevur verið í nøkrum av farnu bløðunum. Her meini eg ikki við samrøðurnar, eg havi havt við bisp, Peter O. K. Olofson, Elsu Funding og onnur, men um kjakið millum ein annan John Johannesen úr Leynum og Sonna Jacobsen úr Sørvági. Lat tað beinanvegin vera sagt, at her er talan um ein annan persón, sum eitur John Johannesen.

Fyri at eingin misskiljing skal vera, ynski eg gjøgnum hesa viðmerking at gera greitt, at eg framhaldandi ætli mær at viðgera málið so óheft sum møguligt, soleiðis at tað verður viðgjørt frá øllum síðum. So er tað sagt!


Vinarliga

John Johannessen,

blaðmaður á Sosialinum

Mest lisið

Myndir: Sól og summar

Nú ridlar meirilutin fyri at hækka pensjónsaldurin

Sovorit uppstandilsi

Liljan slapp ikki á samgongufund í gjár

Kommuna bjóðar fólki graslíki