Í gjár varð ein nýggjur covid-19 tilburður staðfestur í Grønlandi, og hesin er í býnum, Aasiaat.
Tilburðurin er staðfestur, eftir at ein persónur, sum er komin til Grønlands, er endurkannaður 5. dagin eftir heimkomu.
Tað veit grønlendska heimastýrið at siga í einari fráboðan.
- Landslæknaembætið er í samstarvi við løgregluna í holt við at kanna samanhangin nærri, soleiðis at neyðug tiltøk kunnu setast í verk, sigur heimastýrið.
Hetta er soleiðis hin seytjandi tilburðurin við covid-19 í Grønlandi tilsamans, síðan farsóttin byrjaði at herja um lond.
