Hesaferð er niðara endaspælið í SMS-deildini skipa sum "Final 4", har tey fýra liðini spæla hálvfinalur í somu høll sama kvøld.
Í kvøld var høllin á Skála karmur um hálvfinalurnar í niðara endaspælinum.
Verandi føroyameistarar, StÍF vunnu 25-20 á H71 2. H71 2 var væl í fyrra hálvleiki, og í steðginum var støðan javnleikur 8-8.
Tá 41 minuttir vóru farnir var støðan javnleikur 13-13. Seinastu 19 minuttirnar lá betri fyri hjá StÍF við málskjótingini, og vunnu strandakvinnur at enda 25-20.
VB vann ein tepran 24-23 sigur á EB. Í steðginum var VB á odda 14-10.
Tá eitt sindur meir enn ein minuttur var eftir at leika var VB á odda 24-21. Tá fekk EB tvey skjót mál, men VB reið stormin av og vann 24-23.
Finalan í niðara endaspælinum millum StÍF og VB verður spæld í høllini á Hálsi í morgin klokkan 15.30.
StÍF-H71 2 25-20 (8-8)
VB-EB 24-23 (14-10) - Her síggjast dómaraseðlarnir frá HSF:
##med2##
##med3##
