SMS: Greiðir sigrar til StÍF, H71, EB og Kyndil

Seinasta umfarið í SMS-deildini var leikt seinnapartin í dag.

Talan gjørdis um ein greiðan heimasigur og tríggjar greiðar útisigrar.

Helst mest óvæntaða úrslitið var, at StÍF vann greiðan 31-24 sigur á Neistanum í høllini á Hálsi í Havn. Í steðginum vóru strandakvinnur á odda 13-10.

Bjørk F. Joensen var toppskjútti hjá Neistanum við 11 málum. Natasja Hammer (myndin) var toppskjútti hjá StÍF við 10 málum.

HER er dómaraseðilin frá HSF:

##med2##

Í KÍ-høllini í Klaksvík vann H71 32-24 á Stjørnuni. Í steðginum vóru hoyvíkskvinnur á odda 18-16.

Iuliia Nalivko var toppskjútti hjá Stjørnuni við seks málum. Elsa Eghom var toppskjútti hjá H71 við átta málum.

HER er dómaraseðilin frá HSF:

##med3##

Í høllini á Eiði vann EB 29-21 á VB. Í steðginum vóru eiðiskvinnur á odda 14-10.

Talita Alves var toppskjútti hjá EB við átta málum. Sanja Pajic var toppskjútti hjá VB við átta málum. 

EB er nú á tí gylta sætta plássinum, ið gevur rætt til at spæla FM-fjórðingsfinalu við lokið grundspæl. 

HER er dómaraseðilin frá HSF:

##med4##

Í høllini í Vestmanna vann Kyndil 34-26 á VÍF. Í steðginum vóru kyndilskvinnur á odda 16-12.

Durita Nolsøe Olsen og Durita C. Jojic vóru toppskjúttar hjá VÍF við fimm málum hvør. Turið Arge Samuelsen var toppskjútti hjá Kyndli við níggju málum.

HER er dómaraseðilin frá HSF:

##med5##

Kappingin verður tikin uppaftur sunnudagin 7. januar. Tá er skráin hendan: Neistin-H71, VÍF-Stjørnan, VB-StÍF og Kyndil-EB.