SMS: Greiðir útisigrar til Neistan, VÍF, H71 og Kyndil

Fýra dystir eru leiktir í SMS-deildini í dag, og í øllum fýra førum endaði tað við greiðum útisigrum, og í tí eina førinum við einum stórsigri.

Í høllini á Skála vann Kyndik 32-25 á StÍF. Í steðginum var útiliðið á odda 19-11.

Emma Marie Vanggaard Skovmand kann fara at vísa seg at vera ein góður styrkur hjá StíF. Í dag gjørdist hon toppskjútti hjá StÍF við sjey málum.

Turið Arge Samuelsen var enn eina ferð toppskjútti hjá Kyndli. Hesaferð við níggju málum.

Í KÍ-høllini í Klaksvík vann Neistin stórsigur 39-20 á Stjørnuni. Í steðginum vóru neistakvinnur á odda 19-11. 

Iuliia Nalivko var toppskjútti hjá Stjørnuni við átta málum. Hervør Niclasen og Bjørk F. Joensen skutu báðar 11 mál fyri Neistan.

Í høllini á Eiði vann H71 37-29 á EB. Í steðginum var H71 á odda 21-15.

Talita Alves var stórskjútti hjá EB í dag. Hon skoraði heili 15 mál, ið er meir enn helvtin av málunum EB skoraði í dag.

Elsa Egholm var eisini stórskjútti hjá H71 í dag. Hon skoraði 12 mál í dagsins dysti.

Suðuri í Vági vann VÍF 34-25 á VB, men tíverri er eingin dómaraseðil tøkur frá tí dystinum.

HER ber til at síggja dómaraseðilin frá HSF frá dystinum millum StÍF og Kyndil:

##med2##

HER ber til at síggja dómaraseðilin frá HSF frá dystinum millum Stjørnuna og Neistan:

##med3##

HER ber til at síggja dómaraseðilin frá HSF frá dystinum millum EB og H71:

##med4##