Tá føroyska manslandsliðið í hondbólti spælir fyrsta dystin í innleiðandi bólki D í EM-endaspælinum í Berlin í Týsklandi verður Slovenia mótstøðuliðið.
Slovenia hevur seinnapartin spælt venjingardyst á heimavølli móti Eysturríki.
Slovenia vann ein tepran 34-33 sigur. Í steðginum var Slovenia á odda 16-15.
Eitt annað mótstøðulið hjá Føroyum í innleiðandi bólki D, Póland spælir í kvøld klokkan 19.30 á heimavølli seinna venjingardystin móti Argentina. Fyrrakvøldið vann Póland 27-26 (13-13) á Argentina.
