Foreldrini hjá Madeleine McCann sleppa at síggja tilfarið, sum løgreglan hevur um Madeleine Í Bretlandi hevur dómsvaldið gjørt av, at foreldrini hjá Madeleine McCann skulu sleppa at síggja tilfar, sum bretska løgreglan savnaði teir fyrstu dagarnar, eftir at gentan hvarv tann 3. mai í fjør.
Sky News sigur, at McCann-hjúnini og teirra ráðgevar fara nú at kanna, um tað kann vera okkurt í tilfarinum hjá løgregluni, sum kann geva eina ábending um, hvat varð av Madeleine.
Madeleine McCann hvarv í portugisiska frítíðarbýnum Praia de Luz tann 3. mai í fjør.
