Árni Joensen
Ein meiningakanning, sum varð kunngjørd fyrradagin, vísti, at knappliga 58 prosent ætla sær at atkvøða fyri lógini.
Tað vakti ans, tá Ólafur Ragnar Grímsson, forseti, sýtti fyri at staðfesta Icesave-lógina, sum Altingið samtykti í síðstu viku. Men meiningakanningin fyrradagin vísti, at forsetin stendur ikki einsamallur. Næstan 61 prosent av teimum, sum ætla sær at atkvøða fyri lógini, siga, at tað var rætt av forsetanum at nokta at staðfesta lógina uttan fólkaatkvøðu.
Í kanningini sæst, at fólk, sum styðja stjórnina hjá Jóhonnu Sigurðardóttir, hava ikki somu uppfatan av avgerð forsetans sum tey, ið styðja andstøðuna. Men munurin er ikki stórur. Av veljarunum hjá stjórnarflokkunum siga 74,3 prosent, at tey eru ósamd við forsetan, men 76,5 prosent av veljarunum hjá andstøðuni taka undir við honum.
