Ísland og Kroatia spældu í kvøld ein spennandi dyst í EM-kappingini í manshondbólti. Íslendingar vóru á odda ein stóran part av dystinum, men máttu at enda lúta 29-31. Hálvleiksstøðan var 15-14 til Ísland.
Íslendska liðið er skert til kappingina, tí teirra størsta stjørna, Ólafur Stefánsson úr AG København, er ikki við. Men hinir íslendsku spælararnir megnaðu at halda tí stjørnukenda kroatiska liðnum at kalla allan dystin. Ímóti endanum hevði kroatiski málverjin, Mirko Alilovic, nakrar avgerandi bjargingar, og tað var ein meginorsøk til, at kroatar vunnu.
Besti íslendski málskjúttin var Guðjón Válur Sigurðsson úr AG København við átta málum.
