Íslendski fiskimálaráðharrin, Jón Bjarnason, gav í dag íslendskum nótaskipum loyvi til at fiska 181.269 tons av lodnu næstu vertíð, sum er frá 1. oktober í ár til 30. apríl næsta ár.
Talan er um eina byrjanarkvotu, sum er ásett sambært tilmæli frá havrannsóknarstovuni.
Fiskimálaráðharrin væntar, at veiðivirðið fer at liggja einastaðni millum 20 og 30 milliardir íslendskar krónur.
