Mánakvøldið komu íslendsku nótaskipini í nógva sild út fyri Eysturlandinum.
Tað er stutt til lands, tey flestu skipini landaðu á Seyðisfirði og Neskaupstaði, tey landaðu týsdagin.
Á Seyðisfirði landaðu: Börkur NK um 1.600 tons, Birtingur NK um 800 tons og Bjarni Ólafsson AK um 1.100 tons.
Á Neskaupstaði landaðu: Vilhelm Þorsteinsson EA um 750 tons, Margrét EA um 1.900 tons og Hákon EA um 900 tons.
Skipini fóru øll aftur til fiskiskap mikudagin.
Sildin, sum tey landaðu bæði á Seyðisfirði og Neskaupstaði, fór øll til mjølframleiðslu.
