Frá 1. Januar 2018 er í Íslandi ólóligt at gjalda monnum meira enn kvinnum í løn fyri sama arbeiði.
Lógin varð samtykt í juni, á íslendska kvinnudegnum, men kom ikki í gildi fyrr enn við ársskiftið.
New York Times veit at siga, at Ísland hevur ætlanir um, at lønarmunur millum kynini skal vera heilt burtur í 2020.
Almennir myndugleikar og stovnar, har fleiri enn 25 fólk starvast, skulu undir alment eftirlit 3. hvørt ár, og kann ikki prógvast, at lógin verður hildin, er bót í væntu.
Í veruleikanum hevur Ísland havt líkaløn síðani 1961, men nú fær tað á fyrsta sinni avleiðingar fyri arbeiðspláss, um tey ikki halda reglurnar.
