Í gjár landaði Christian í Grótinum umleið 2500 tons av svartkjafti til Havsbrún í Fuglafirði, og í dag landar Slættaberg umleið 1400 tons, eisini svartkjaftur.
Svartkjaftalandingarnar fara nú at minka, tí kvoturnar eru farnar at ganga undan. Fleiri uppsjóvarskip eru úr vinnu í løtuni, og ymiskt verður gjørt við skipini.
Flestu uppsjóvarskip fara væntandi at liggja, til makrelvertíðin byrjar aftur til heystar. Og tá makrelvertíðin byrjar, fer sildin eisini at nærkast.
