Leygardag 18. februar skipar ungmannafelagið Virkið á Sandi fyri tunnusláttri fyri børn og vaksin.
Hóast hesin parturin er tann sum mong munnu síggja fram til, hendir annað mangt henda dagin.
Longu klokkan 10 á morgni bjóðar Sands kommuna øllum til stórt morgunmatarborð í umsitingarbygninginum hjá kommununi.
Tá morgunmaturin er komina væl og virðiliga niðurum er næsta tiltakið á skránni. Klokkan 11 verður filmur um føstulávintshald á Sandi vístur á stórskíggja, og aftaná filmin fer fróðarmaðurin Jógvan Nicodemussen at hugleiða um siðir í samband við føstuhald upp ígjøgnum tíðirnar.
(tilvildarlig mynd)
