Teir báðir skutaramenninir, Atli S. Petersen og Sveinur Høgnason, sum eru ávegis úr Føroyum til Danmarkar á vatnskutarum, vóru framvegis í Mandal í Suðurnoreg, tá vit hittu teir beint fyri middag í dag, fríggjadag.
? Aldurnar eru framvegis ov høgar í Kattegat. Tær hava verið upp í fimm metrar, og tað er alt ov nógv, segði Atli S. Petersen.
Hann sigur, at teir fara ongan veg fyrr enn aldan er niðan fyri hálvan annan metur.
? Men tær eru avtakandi, so vit vænta kanska at kunna fara avstað seinni í kvøld.
Tá teir eru komnir teir umleið 60 fjórðinarnar um Kattegat, hava teir einar 200 fjórðingar eftir sigla í Danmark. Úr Mandal leggja teir leiðina til Hanstholm, síðani gjøgnum Limfjørðin, síðani kós móti Norðursælandi og til Keypmannahavnar, har teir leggja at á Lange Linje.
Atli S. Petersen veit ikki rættuliga at siga, hvussu nógv verður gjørt burtur úr, tá teir koma á Lange Linje, men teir hava so fingið boð frá umboðsmanni teirra í Keypmannahavn um at siga frá tveir tímar áðrenn.
