Grønlendski landsstýrismaðurin í umhvørvismálum, Arkalo Abelsen, umhugsar nú at orða eitt lógaruppskot, sum skal áleggja bilførarum at sløkkja motorin, tá teir fara úr bilinum. Landsstýrismaðurin sigur við grønlendska útvarpið, at alt ov nógv fólk í Grønlandi hava tann óvana at lata bilin standa í tómgongd, meðan tey fara inn á posthúsið ella okkurt annað ørindi. Tað gagnar ikki umhvørvinum og má tí steðgast, sigur hann.
