Bæði børn og lærarar skulu hava meiri verkligar royndir – uttan fyri skúlan. Tað halda løgtingsmen, nú Løgtingið hevur havt orðaskifti um, hvussu fólkaskúlin skal skipar fram yvir.
Karsten Hansen, sum hevur havt sæti á Løgtingi fyri Miðflokkin, heldur, at tað hevði gott og gagnligt fyri børnini, og samfelagið, at verið meiri í starvvenjing á arbeiðsplássum kring landið. Og hann heldur eisini, at vørnini átti at sloppið í starvsvenjing yngri enn tey eru nú, tí nú eru tey bara í famhaldsdeildini at tey fara í starvsvenjing.
Partamaður hansara Bill Justinussen, heldur, at hetta er ein sera viðkomandi spurningur. Men hann vísir á, at børn hava altíð verið uppi í, tá arbeiðnum hjá teimum vaksnu, men nú á døgum er tað illa dámt í samfelagnum, tí tað verður so niðrandi kallað barnaarbeiði.
Hinvegin helt Henrik Old eisini, at tað átti at verri eitt krav til lærarar, at teir høvdu onkrar arbeiðsroyndir, áðrenn teir sluppu á læraraskúla, tí tað hevði gjørt læraran betri føran fyri at greitt børnunum frá lívsins veruleika.
– Tú sleppur ikki á skiparaskúla uttan at hava siglt, men tú kanst fara at lesa til lærara, uttan nakrantíð at hava havt ein einasta lønarseðil í hondini, segði Løgtingsmaðurin fyri Javnaðarflokkin.
