Tað er so mikið nmógv olja á heimsmarknaðinum, at altjóða samfelagið kann væl loyva sær at herða tiltøkini ímóti Iran. Tað sigur amerikanski forsetin, Barack Obama, í einari fráboðan.
Amerikanski forsetin eggjar øllum heimsins oljuinnflytarum til at gevast við at keypa olju úr Iran, og hann gloppar í sama viðfangi dyrnar fyri møguligum tiltøkum ímóti londum, sum halda fram við at keypa olju úr Iran.
Eygleiðarar siga, at boðskapurin frá Barack Obama fer at fáa stórar avleiðingar fyri Iran, tí nú fáa fyritøkur um allan heim tvinnar kostir í at velja - annaðhvørt hava tey samhandil við USA, ella keypa tey iranska olju.
Almenna turkiska oljufelagið Tupras kunngjørdi seinnapartin, at tað hevur gjørt av at skerja sítt oljukeyp úr Iran 20 prosent.
