Føroyingar fáa eisini møguleikan at senda eina samkenslukvøðu til Kongshúsið, nú Heindrikur, prinsur, andaðist í gjárkvøldið.
Ríkisumboðið hevur sent eina lýsing til miðlarnar um, at gjørligt verður at koma framvið har og skriva eina samkenslukvøðu.
- Í sambandi við at hansara hátígn Heindrikur, prinsur, andaðist, ber til frá í dag klokkan 13 og fram til jarðarferðina tann 20. februar at koma framvið hjá Ríkisumboðnum og skriva eina samkenslukvøðu, skrivar Ríkisumboðið.
Tað er opið hjá Ríkisumboðnum gerandisdagar frá klokkan 10 til 15, eins og at opið verður leygardagin 17. februar frá klokkan 10 til 12.
Samkenslukvøðurnar verða síðani latnar Kongshúsinum, boðar Lene Moyell Johansen, ríkisumboð, frá.
