Sunnudagin 15. mai var til tíðir so nógv regn, at hetta elvdi til skriðulop Skriðulopið byrjaði ovarlaga á Miðfjalli á Uppsalahaganum, fór allan vegin oman eftir fjallasíðuni og heilt oman til Taravík, ein góðan kilometur til longdar.
Skriðan leyp seinnapartin, tá ið regnið var av tí mesta, og hóast lopið var smalt, var tað so mikið stórt, at tað kvetti báðar rávatnsleiðingarnar, sum veita vatn frá Borðoyaneshálsi.
Menn eru á staðnum og umvæla skaðan.
Meðan skaðin verður umvældur, kemur øll vatnveiting úr Neytadali og heim til vatnverkið undir Fossum, sum ikki hevur havt stórvegis trupulleikar av skaðanum.
