Sjóvar kommuna skrivar, at Andreas Weihe á Selatrað, 1867-1946, sum bæði var bóndi, politikari og rithøvundur - hevur í bókini Tjóðminni skrivað yvir 500 staðarnøvn á Selatrað. Tað eru serliga hesi nøvnini teir trýggir hava arbeitt við og skrásett, eisini hava teir tikið myndir, lagt søgur afturat og skrásett ymist nýggjari.
Á kommunuskrivstovuni, varð skipað fyri kaffifundi fyri formliga at avhenda arbeiðið til kommununa. Hans Anders Jacobsen, borgarstjóri, handaði teimum hvør sína gávukurv sum tøkk fyri stríðið.
Sjóvar kommuna fegnast um, at fólk sjálvboðin taka stig til at skráseta nøvn, søgur og sagnir, so at hetta verður varðveitt.
Kommunan fer seinni í summar at skipa fyri einum túri á Selatrað, tá fara Símun Mittún, Max C. Weihe og Kári Jacobsen at greiða frá.
##med2##
##med3##
