Venjarin hjá B68, sum eisini er fyrrverandi landsliðsvenjari, finst á Facebook-vangamynd síni hvassliga at FSF fyri mátan, sum kappingin er løgd til rættis uppá.
Ikki minst finst hann at, at toftamenn – sum vunnu 1. deild í fjør - tvær ferðir spæla á útivølli móti Skála, og at teir í august og september spæla seks av sjey dystum á útivølli.
Niðanfyri sæst tað, sum Jógvan Martin Olsen skrivar.
“Tað er heilt ótrúligt at FSF kann leggja eina kapping so vánaliga tilrættis!
B68 hevur tveir útidystir ímóti Skála, sjálvt um B68 endaði sum nr 1 og Skála sum nr 2?. Eisini hevur B68 tveir útidystir ímóti NSÍ, ÍF, Víkingi og KÍ hetta eru alt dystir sum geva nógvar áskoðarar?
B68 byrjar við at spæla 3 útidystir av teimum fyrstu 4 dystunum?
Eitt skifti í august inn í september spælir B68 6 útidystir av 7 dystum????
Enn einaferð spælir B68 seinasta dystin á árinum á útivølli!.
Tað hevði verið uppá sítt pláss at fingið at vita frá FSF,um hetta er ein digital skipan ella um hetta eru ávísir persónar sum leggja kappingina tilrættis!”
Vit kunnu leggja afturat, at eitt nú í Danmark, har liðini eisini spæla tríggjar ferðir móti hvørjum øðrum, er skipanin so, at meistarin fær tveir heimadystir móti nummar 2, 4, 6 o.s.fr. Tað vil siga, at stigatalvan frá árinum frammanundan er avgerandi fyri, hvussu býtið av heima- og útidystum verður. Í Føroyum er einasta ásetingin, at tey fimm ovastu liðnum í undanfarna kappingarári hava 14 heimadystir. Hini liðini hava 13 heimadystir.
Leikskráin fyri Effo-deildina í 2014 sæst við at trýsta HER
