Yeti er eitt designstudie hjá Skoda, sum eisini er ein ábending um, hvussu Skoda bilarnir koma at síggja út í framtíðini, eins og vit sóu tað við konseptbilinum Skoda Roomster, sum varð frumsýndur í fjør.
Bilurin, sum er ein sonevndur SUV, sær rættuliga sermerktur út við t.d. takboylum ið eru bygdir inn í stólpan við for- og bakrútin, og handtakið til bakhurðina situr í hurðastólpanum.
Skoda Yeti verður drivin av øllum fýra hjólunum og skal eftir ætlan verða bæði býbilur og "off-roadari".
Enn er eingin avgerð er tikin um bilurin skal framleiðast, tað velst nokk eisini um, hvussu væl hann verður móttikin á framsýningini í Genéve.
