Linjuføringin í Eysturoyartunlinum er nú broytt. Nýggja linjuføringin av undirsjóvartunlinum hevur við sær, at tunnilin verður góðan hálvan kilometur styttri enn eftir gomlu linjuføringini.
Sambært nýggju linjuføringini kemur tunnilin upp á Streymoynni nærindis Hvítanesi, og ikki við Sund, sum upprunaliga ætlað. Harumframt fer hann at koma upp á Rókalandinum, og kki við Toftavatn á Eysturoynni.
Ein onnur broyting er, at rundkoyringin verður undir vestara armi á Skálafjørðinum og ikki undir sjónum.
Í løtuni verður borað á Kaldbaksnesi og tá tað er liðugt, verður farið undir at gera boringar í Kirkjubø. So nú kann sigast, at ferð veruliga er komin á byggingina.
- Vit kunnu siga, at vit fylgja tíðarætlanini, sum er løgd, sigur Bergur Poulsen, formaður í nevndini í almenna tunnilspartafelagnum.
Les nógv meiri um Eysturoyartunnilin í vikuskiftissosialinum.
